МАКЕДОНСКО-ТУРСКА ВЕЧЕР - 27.11.2013

МАКЕДОНСКО-ТУРСКА ВЕЧЕР

 

На ден 26 Ноември 2013година за првпат во нашата држава се одржа манифестацијата Македонско-турска вечер.

Организатори на оваа манифестација која претставува Културен мост на зближување помеѓу македонскиот и турскиот народ беа Занаетчиската комора Скопје и Турскиот културен Центар Јунус Емре Скопје.

Манифестацијата се одржа во Скопје, во Старата скопска чаршија, поточно во Чифте амам, со почеток во 18:00 часот.

Целта на одржување на оваа манифестација е запознавање со културата и традицијата на живеење на турскиот и македонскиот народ во Република Македонија и градење на мостови на пријателство и толеранција помеѓу овие два народи, како и пренесување на народните обичаи. Секоја земја си има свое минато и претпознатливост, кои се манифестираат преку одредени настани, обичаи, традиционални занаетчиски ракотворби и сл., преку кои добиваме слика за нивното минато.

Како домаќин, манифестацијата ја отвори со поздравно обраќање до присутните, г-динот Никола Петров, Претседател на Занаетчиската комора Скопје, кој истакна дека оваа манифестација претставува спој на тардиционалните обележја на двата народи и дека како и секоја земја што има свои белези, така еден знаечаен белег нашата држава, по кој што е претпознатлива е секако и занаетчиството. Вековите одминувале, а занаетите го ширеле својот спектар, како секојдневна потреба но и занимање на луѓето. Во занаетчиството луѓето ги презентирале своите знаењаи вештини, ги испреплетувале културите на повеќе народи, ги задоволувале потребите и остварувале врвни достигнувања за своето време и за идните генерации.

            Веднаш потоа свое обраќање кон присутните гости имаше и Заменикот директор на Турскиот културен центар Јунус Емре Скопје, г-ѓа Елиф Оџалмиш.

            Свое поздравно обраќање на манифестацијата, на големо задоволство на организаторите, имаше и Амбасадорот на Република Турција, неговата екселенција, г-ин Ѓурол Сокменсуер.

            Присутните гости, беа поздравени и од Заманикот Министер за култура на Република Македонија, г-дин Драган Недељковиќ и Градоначалникот на Градот Скопје, г-динот Коце Трајановски, кои ја истакнаа големината на овој настан како можност за зближување на двата народи но и огромната чест и задоволство што се дел од манифестацијата.

 

            По поздравното обраќање манифестацијата дополнително ја збогатија и настапите на културно уметничкото друштво Јени Јол, со сплет на македонски и турски ора, како и настапот на г-ѓата Виолета Томовска, врвен македонски естраден уметник, со изведба на неколку македонски народни песни.

            На манифестацијата беа претставени македонската и турската традиционална кујна, кои се толку многу испреплетени, но сепак различни.

            За целокупноста на манифестацијата допринесе и изложбата на македонските и турските традиционални занаети и тоа: накит од филигран, накит од бакарна жица, накит од монистра, производи од крзно, производи од филц, накит од сребрена жица и многу други кои се дел македонската и турската традиција и култура кои опстојувале низ вековите.

 

            Успешноста на оваа манифестација е уште поголем поттик и мотив за Занаетчиската комора Скопје, во иднина повторно да организира вакви настани со различните народи кои живеат во Република Македонија, но и да допринесе нивно прераснување во традиција.

 

http://www.kultura.gov.mk/index.php/odnosi-so-javnost/soopstenija/1213-makedonsko-turska-vecer-vo-cifte-amam 

 

 




Назад Испрати на пријател Печати